今日動漫節,鄭俊弘(Fred)都係表演嘉賓之一,佢幫神魔之塔宣傳,現場有幾個粉絲舉牌,佢唱咗兩首歌,唱出《歲月如歌》時更係好多掌聲。
問Fred係咪多咗演出機會?佢話:「都係o架。」又直言收入滿意幾好,咁會唔加價?佢就話:「要等公司安排,第一次唱會展,好期待,同老師唱《夜夜夜夜》。」咁酬勞呢?佢就吓一聲後答:「冇講到,最緊要機會同經驗,自己鍾意漫畫,好想行吓。」依家有知名度怕唔怕?佢話:「冇諗咁多,想買變型金剛」至於傳有唱片公司招手,佢就話唔知,咁有冇信心喺《星夢傳奇》攞第一,佢就話唔想有壓力,過到關就算,又讚勁敵羅鈞滿表現真係好好。
http://hk.apple.nextmedia.com/enews/realtime/20130726/51592448 |