長篇心得 深入分析

hohinyuyyu

本人都玩左AVA都好耐喇，亦都經營左軍團ZSECOND好2年喇，聚集左一班好戰友一齊研究心得，近期又有團友都比左D幾好既分享我睇，都覺得幾有啟發性，都有好多好基本既野可以提番我地呢D老玩家一D基本但又忘記左既野^V^，希望都幫到大家^^

1. 按tab 睇地圖
打緊個陣要多d禁tab 睇地圖，通常幾秒就睇1次，因為一場爆破既局勢係不停咁變。首先要識睇地圖邊d地方姐係邊d位，之後要識睇紅點 (敵人損血時會有紅點閃下閃下; 已方則為黃點閃下閃下)，白點: 隊友 ，白交叉/紅交叉: 隊友死亡位置/敵人死亡位置。

2. 睇雷達有時打緊個陣可能唔得閒禁tab，就要靠雷達。

3. 熟習指令我問你，Z3=? 發現敵人 Z5呢? 要求支援 咁X3又係咩? 正在前往。打爆破一定要熟晒所有指令，係要熟到隻眼唔洗睇keyboard就識禁d指令。仲有，個人認為發現敵人，後方有敵人，發現C4等對戰局有幫助既指令 先好用，姐係個d 對不起，謝謝等等既指令唔好禁，又要嘈又要嘈住隊友聽聲。BTW，個人極之討厭個d一開場就係咁洗 ' 請求首要目標指示' 指令既人

hohinyuyyu

5. 清楚每一張地圖既交火位
要清楚每張圖既交火位唔可以靠練習模式，一定要去實打先知，例如沉默禁地既2倉，火鳥之心既1通，，知道邊d係交火位，每次去到呢d位就要小心，唔好on居居咁走過去。記熟晒通常邊d位都會有人，就可以減少自己既死亡。

6. 靜走
爆破模式中幾重要既一樣野，運用得宜可以保你條命，亂咁用只會害死自己(有 時仲會害埋隊友)，AVA入面既腳步聲做得好仔細，人地只有要個好耳機就已經可以聽到好遠，e.g.我用緊既係steelseies siberia v2 headphone，可以係沉默禁地既2聽到1倉有人，可以想像到唔消音既後果係點? 草地聲，實地聲，鐵板聲等等都會暴露你既位置，所以有時要靜走去掩飾你既位置(按shift)。但係盲目既靜走有可能會害左你，例如有d轉角位你靜走出 去，雖然係無聲，但係你知5知你已經露左你支槍頭/手出去?
另外有時開局去搶點，知唔知跑到去邊就要開始消音  你辛辛苦苦一開場就去搶U (生化危機)，去到U個陣先靜音，你知唔知人地係2內已經聽得一清二楚? ，要打U既話一上樓梯就已經要靜音

7. 掩護隊友
當你見到你既隊友睇緊個一邊，你就幫佢睇另一邊; 佢扔緊雷點，你就唔好扔住，幫佢cam住先，成日見到1梯 d人掛住扔雷點 (獵狐行動) 但係就無人用槍cam， 跟住人地守方跳一跳上黃巴就射撚死晒 ，真係好不爽 ; 隊友換緊彈就更加要隊友睇實啦

8. 睇後
例如核武風暴d隊友去打中路/1，咁你見2冇隊友去cam，你就係屋企架槍，防止敵人偷隊友菊花/ 生化危機打2，你係最後一個，咁你咪留係U睇住會唔會有敵人由U入沙地。

hohinyuyyu

9. 扔雷點
AVA幾乎所以爆破地圖都有雷點，一般分為2種雷點，分別係cam位雷點 (如獵狐4合狙台雷點) 同埋開場雷點 (如獵狐2倉門口雷點)，多d上youtube，巴哈論壇搵唔同既雷點學下，另外呢個論壇都設有雷點教學俾大家。
P.S. 一般步槍兵既雷點都要配合投擲技能，要解晒d投擲技能就要用86炸死50個敵人 (AI，血戰d怪都唔計)。

10. 補位
守方要守好炸點唔好俾攻方攻入，就要學識補位。補位，顧名思義就係補上已空缺既位

11. 聽聲辨位
AVA入面有好多聲都會暴露你既位置，包括:
行路聲
跑步聲
換彈聲
跳聲
由高處落下既聲
語音指令
汁野 (C4/NC/換槍)
狙擊槍開鏡
拎粒86出黎
Set c4聲
切槍
有粒86飛埋黎你自己既叫聲............等等
所以如果識得聽聲辨位，無疑係對已方一大幫助

13. 唔好習慣殺完一個人就換彈
成日見d新手殺完1個人就企左係到換彈，唔該殺完人肯定冇人，再搵個安全既地方先好換彈。

14. 同隊友保持適中距離
企太近可能會頂住隊友後退，離太遠隊友有事又可能幫唔切，所以同隊友之間保持返3-4個身距。

15. 搵掩護物
唔好成日露晒成個身出黎，要識得搵野掩護自己。

hohinyuyyu

裝拆C4

首先講攻方，裝左C4後，通常有以下幾樣做法:
1) 架槍cam住敵人黎 : 鬥cam鬥槍法
2) 扔86去會有人黎既地方 : 聽聲，睇下好唔好彩炸到幾隻
3) 扔煙去會有人黎既地方 : 阻住敵人睇野
4) 遊手好閒唔知係到做乜 : 等俾人踢
當你裝左C4後，你既首要目標，係唔可以俾敵人拆解C4。
裝左C4後，有40秒，通常頭6-8秒係敵人用黎係另一炸點跑黎你身處既炸點，所以呢幾秒扔86作用唔大，可以留返遲少少
先扔，順便聽聲聽下敵人係咪呢一邊過黎; 扔煙一樣，遲少少先扔，可以拖多幾秒(敵人可能會等煙散先過黎)。
跟住就應該到你發現敵人既時候，你有2個選擇: 1)殺左佢，清場 2)拖時間俾c4爆 。如果你血多，有信心既話，就同佢鬥
槍; 相反，你血少既話，聰明既你應該揀拖時間俾C4爆，重點係到啦，如何有效率地拖時間??
首先，你要清楚已家拆C4既時間係7秒多d (有爆破技既話6秒多d ) ，基於呢個前提下，你係應該每大約7秒去望一望c4，當你知
道敵人係c4附近，你可以扔86聽聲 ; 開槍嚇佢(但同時暴露你既位置)。如果你開頭揀鬥槍，但好不幸俾人打到殘血，請冷靜
少少，搵位呢埋，唔好急住殺左佢，呢個時候你應該諗點樣拖時間，因為你殘血，俾佢-6殺左就輸得。
除此之外，仲有一招就係拎住粒86 係c4上按攻擊但唔好放手等俾人殺，(強烈建議M67，其他86既話請放棄呢個方法)，人
地殺左你之後粒86就會跌左係地下等爆，呢個時間如果敵人去解c4既話，你就汁到1分。(呢招請係裝c4後倒數10秒先開始
用，計返敵人殺你既時間粒86趺係地下等2秒爆，敵人解c4要用既時間)

hohinyuyyu

講下守法了~

攻方裝C4後40秒，請迅速到達炸點，最後20秒就唔好再慢慢靜音走入去啦，同人對槍個陣/換彈個陣，請盡量向c4位
置推進，成日見d人對完槍換彈又呢返埋，洗鬼晒d時間 。
跟住有2個選擇: 1)偷拆 2)清場再拆c4
首先如果你揀1既話，拆個陣用刀/86，因為你拎
主槍/手槍會突隻手出黎，其次，你揀得偷拆如果聽到有人黎緊，如果無乜時間請你唔好甩手試下拆唔拆到，因為如果你唔
拆殺左條友先，就算你殺到佢都解唔切c4，姐係輸。如果時間夠，殺左佢先重新拆多次都ok。
(最常見既情況就係重鎚強擊2點set c4後有d人鐘意上2倉上層cam，呢個時候諗都唔洗諗去偷拆啦，拆既時候唔係企係c
4上面拆，而係企係條大柱後面拆。)
如果你揀清場再拆c4，唔洗教點清場，呢到落黎想教下如果得返你1個人，敵方又得返一個人但又唔知呢左係邊，呢個時候
應該點做，請你冷靜收你既腳步 ，企係c4位專心cam你覺得敵人會係邊一個位過黎，殺左佢再拆c4，因為如果你走黎走去搵
條友出黎，條友識聽聲既話就知道你唔係拆緊c4，咁佢咪繼續拖時間等你慢慢搵，咁你就輸左了 。
如果己方有2個人既，咁就一個解一個掩護，如果高低血既情況下低血既去解c4，如果差唔多血既情況下，就俾槍法冇咁好
既人去解c4，掩護隊友解c4既人，唔該cam好敵人會黎既位置，或者用自己既身體企係隊友面前，敵人黎左都要殺左你先殺
到你隊友，冇左一條命，但換來1個回合既勝利