遠古玩家分享依幾年玩天龍既一點一滴

c.c_hin

回復 30# StaR`


   我係2,3年前退game,已家無一個ser有ac,所以玩咩ser我都無所謂

StaR`

回復 31# c.c_hin


   我都冇所謂@@

c.c_hin

回復 32# StaR`


   甘開住post等人到

StaR`

回復 33# c.c_hin


   嗯嗯

c.c_hin

回復 34# StaR`


   開唔開rc群????

wind_xo

好多謝各位俾面，無諗到依篇文會帶黎小小迴響

其實依篇回顧係未完，因為我仲有玩緊，如果大家唔怕悶我會繼續POST

之後幾期會慢慢寫到D 比較近期既野，會有多D 人物出現

希望唔會寫得太出面，俾大家估到裏面果D 係咩人

THX

∼香Ｂ∼

好多謝各位俾面，無諗到依篇文會帶黎小小迴響

其實依篇回顧係未完，因為我仲有玩緊，如果大家 ...
wind_xo 發表於 29-3-2013 05:58 PM

一定支持!!..

wind_xo

等我推下個帖先

其實上面仲有好多野無寫，譬如果時仲好興組隊去古墓升。古1D 怪對個5X級又無石既人黎係好難打 (俗D 講: 好硬打唔入)

同埋果時已經有開紅搶場既情況出現，一見到附近有人開紅，無用掛人在既都會即刻閃，有掛但行開左既就唔知頭唔知路俾人KO 左。

***************我係分隔線*********************
返黎正題，到我再返黎既時候， 已經係出真丹既時候。我亦都大學畢業，出黎打工搵錢養家。
(註: 果時我都唔知咩係真丹)

我係長女， 出黎做野係即刻揹起頭家，理論上我係唔應該打機。不過我好懶， 懶到平日放假根本唔想出去， 所以打機成為我一個又平又可以減壓既活動。

果時， 幫會猶在， 但幫城已經無左。幫主，副幫， 同果位10x級武當已經唔係幫度。

問返仲係度既幫眾，佢地話已經好耐無見過佢地，幫度又無人跑商，所以唔洗好耐個幫城就俾系統收返 (鬼叫果時MAINLY係我2隻人仔跑商咩 )

無得跑商既我已經再無用途，所以我走左，去左依家個幫度。

依個幫同之前2個好唔一樣: 係雁南， 商線短，人好多，多到要輪流跑商。不過亦都係因為咁， 個幫長期都係高級維護， 我唔洗再好似以前咁， 要等到星期六日既某1刻先可以升到生活技 (果時可是要幫主+副幫+我2隻人仔+另一位從無出場既高層同一時間跑商，先有1刻既機會將個城推到去高級維護

雖然依個幫人好多， 但好少119級， 大家都好和平， 係名副其實既和平幫 (絕對唔係果d話叫"和平幫"，但實質係打交幫果種)。

依個時候既我已經差唔多80級， 身上既裝係之前幫主同副幫送既百幾粒秦皇珠換返黎既套裝， 同係地攤買返黎幾十金既秦武。

唔記得身上有無紅寶啦， 不過血好似係得幾萬。果時開始興3環第2關將D 怪全部引去水位度刷，但試過好多次D人都唔肯去引 (死懶鬼)

見得多，睇唔過眼，我就膽粗粗去左引怪。通常引完前面果堆怪我D 血都得返一半甚至更少。
有人笑過我唔知死，得個少少血就走去引怪。

係， 我知我係得好少血， 但係同組既人個個都唔肯去引怪咁可以點打?
咁你地唔去咪我去囉，死我又無咩所謂，不過刷多幾次真係佛都有火!!!


我好唔鐘意依個感覺，我唔要做一個拖累同組既逍遙， 所以我開始入點上石。
雖然想變強，但我都知我係一個好吝嗇既人， 第1次入點我同自己講只此1次下不為例 (當然到最後唔係)。

果時啱啱出真丹， 我就跟人去買左3隻蛋， 竟然俾我中左一張圖!!

我以差唔多當時最高價賣左出去， 再第1次同人收石。

果時既4貓眼大概係400寶1粒， 我買左唔知4粒定幾多，上晒係身到。果然， 刷任係快左少少， 不過血都跌得好快， XDDDD。

80組算係我留得最耐既一段時間，依個時期我識左好多人， 係佢地身上我學到好多野， 也發現自己係幾咁渺小。

未完待續，有人睇就繼續POST

沫淚

等我又分享下先
記得我玩呢隻game係中一開始,
我開始玩既原因有d荒謬 就係我同學問我有冇玩天龍八部
我唔知發咩神經答左佢 有呀 10lv~ 跟住佢話一齊玩啦 - -
我就拿拿聲down隻game落黎
一入到去咩都唔識 靜係係無量山係咁打怪升到10lv為止 入左星宿派
之後開始對隻game有小小了解 係咁做任務
果時因為多人玩 解任果d場景都有好多人~組組下一齊解任就識左好多fd
跟住上到30幾lv 第一次入古一 (其實我係比個game fd拉入去的@@
企左冇耐比怪打死左 都唔知咩事 之後又係古識左2個fd一齊打怪
仲結拜埋 日日都一齊刷下棋 3環 真係好開心
仲記得以前唔知玄島係咩場黎 係到周街行 捉松鼠
打左白色變異果陣真係勁開心~ 但跟住比隻神獸追 瓜左
而以前門套時代,我仲好傻咁為左收隻80武當介比人 收左2000bo
諗返都傻傻地 ~~~跟住又轉反反覆覆轉game
之後重玩一直都玩峨嵋  玩左冇耐又放ac
其實仲有好多好多 不過記憶都好模糊啦
以前就算冇石 數值低 但比起依加係開心n倍
樓主既分享應該係好多舊玩家既經歷 心聲可惜回不去了

7csacd3p

我都玩左天龍好耐0..0見到樓主既貼就諗起以前..果陣時我同埋d傻妹傻佬一齊在到玩,一入到大理做個d新手任,最記得問答個陣佢會問你大理既背景歌係咩歌,個陣時真係好開心,日日除左刷棋刷任之外就係上網找下邊個門最勁最好玩,初初未出自制個陣最多人玩既係武當(因為没玄攻火攻個d)但係我去左玩逍遙,原因係佢有放大同20秒閃人><.........好多謝樓主比番d回憶我)-(我好希望如果出天三個陣天龍會有所改變再次成為港澳第一大game