本帖最後由 香腸 於 2-9-2011 02:12 編輯
投左一票俾kerong08ng
佢d字係由左至由,但幅畫由左至右去睇就個時代慢慢跌緊
希望有朝一日幅畫可以調番轉由右至左咁睇番![](static/image/smiley/default/biggrin.gif)
chickenpie果幅算係最寫意既一幅
畫面本身俾到人悠閒既感覺
製作地圖功力可以拉到唔少分![](static/image/smiley/default/tongue.gif)
主角應該係個女村民吧?
堆字好有意思
但比較可惜既係雖然靚就靚,但同d字無乜關係
個女村民既周圍係一個平地,無乜襯托
如果周圍係一塊爛地或者沙漠,就可以睇到佢種緊果棵樹既重要性(呢個只係例子)
tin1995既作品可以睇得好清楚有幾架投石車攻擊緊中間
但係就唔係好睇得清楚中間果堆究竟係乜黎(唔通就係想表達既建設) ?
另外畫圖技巧方面有待改善,8架投石車係咪8個方位,又同時發射,有好死版既感覺
轉用其他攻擊單位,同埋地型方一面唔好無啦啦一個9x9既雪地
不然會造成死版既感覺
不過畫面同d字眼有關連,做到「到題」既要求
tony321654 和 littlestar13既作品
用aoc任務選單作為背景實在有心思
另外俾山脈包圍既TC營造左一個山中既茶座既景象
令人感覺舒適,好想入去叫番碗糖水食下![](static/image/smiley/default/shy.gif)
另外邊幅修飾得唔錯,運用左漸淡效果,令畫面增添幾分迷幻色彩
RAUL07既作品......
點解遍地黃金我成幅圖都搵唔到一個金礦:lol?
「寶藏」應該改為「寶地」,令人有淘金既意欲
中間發左光既地方有隻僧同哥衛,我諗左好耐都係唔知有乜意思
唔係製圖人既我覺得有d圖不對題既感覺
不過發光效果帶俾人有寶地既感覺
右下角既「aoc劇情制作區」比起其他作品靚好多
凸顯到呢個係為劇區整既圖,good
ct999tr99作品既標題甚為勵志
對於每個製劇者都好有味道
不過畫圖技巧比較簡陋因而對整體大打折扣,比其他作品遜色
圖中見到有隻英雄槍騎俾4隻哥衛擋路但不顧一切直衝
不過成條路周圍無乜障礙物,唔顯得出條路有幾難行
如果條難整得崎嶇d,隔離有多d屍體,咁就可以睇到衝緊果隻槍騎一路以黎走過既路係幾咁辛苦
另外兵力不足,4隻哥衛擋路未必太失色,相比起cycbobby既作品實在唔夠震撼
同埋4隻哥衛係度,只要隻槍騎識兜彎果4隻哥衛直情毛都high唔到佢一條,因為條路真係好闊好平
係咁既情況下仲要直衝反而俾人一種故意,或者魯莽既感覺![](static/image/smiley/default/mad.gif)
色彩運用方面亦有待改善,將成幅圖光化見唔到有咩特別效果
最重要打直落果條光最光個位唔係照住隻槍騎,係唔知照左去邊
建議光暗效果可以較暗周圍既環境,之後槍騎既區域發光,可以既話前路都有光
咁就可以造出「殺出重圍」既效果
btw,用槍騎係一個唔錯既選擇,因為支矛向前有直衝既氣勢
CYCBOBBY既作品最可惜既地方係將重點放左係堆字果度
結果就「成張」作品都做左個背景 ,無突出既地方
變左最突出既地方就係「AOC劇情製作區」呢幾隻字度
然而呢幾隻字只係好普通既白色標楷體
如果真係好想用d字做主題(雖然我唔建議,因為係版圖設計比賽,始終圖為主)
就應該好似RAUL07咁將d字美化,因為佢係主角嘛
至於講到幅圖其實唔差(用黎做左背景實在太可惜)
可以睇到隻槍騎係幾咁熱血
面到咁多敵軍都要衝入去
不過隻槍騎好似係靜止狀態,支矛向上舉的
另外有個小小要留意既地方,因為用海黎做背景,如果敵人仲係藍色會顯得有d單調同混亂
如果敵軍改為其他顏色色會更好(除非你係故意的)
另外如果隻槍騎係清既就好了
敵人一大堆可以唔駛睇得太清楚
但隻槍騎單拖就俾d特色,睇清楚d會比較好
以上純粹個人意見,
如有任何不同既見解或者對作品既誤會
歡迎提出![](static/image/smiley/default/biggrin.gif) |