戴面具既白色蚊子---BS迪恩(面具男迪恩)

pk1pk1kp1

廢話:
話說,呢部機韓服剛剛出既時候,因為對機體本身興趣不大,所以一直都冇咩留意呢部機。自從有次無聊上網睇睇,見到好多人係到批評面具男,又破壞平衡又逆天之類既討論,令我開始對呢部機開始感興趣。之後我睇左某大魔王玩BS迪恩,我果陣決定一定要入番部BS迪恩。港服第1次出BS迪恩,要消費夠25600m我當時絕望了。直到上一次更新出BS迪恩包包,我買左落黎當係玩下消費啦

呢篇野好短,請見諒




(有翼,有面具,對敵方滋擾極大,名副其實名副其實戴面具既白蚊xd)


--------------------------------------------------
機體資料:

BS RANK


唔好嫌短呀
--------------------------------------------------
六圍:


都係偏重攻擊力同速度...血防好低呢
其實我仲想講講必殺果到。12.3好似好低...其實真係好低。不過對BS迪恩黎講六圍上既必殺只係好表面既野黎,開技1後,必殺就會脫胎換骨,得到重生
--------------------------------------------------
武器:
武裝既強大係BS迪恩最受注目既焦點



武器1 格鬥  係數2600  一擊倒地
武器2 90mm對空散彈槍  係數1400  
武器3 6連裝多目的導彈發射器  係數230*8(總共1840)

先講1武。1擊倒地。威力頗強。基於BS迪恩係剪機既關係,盡量唔好咁主動用1武撞人。不過出手快,撞擊距離都有成2個身位,被拳機追殺時可用作防身,撞低佢,再搵機會走佬或者反擊。惟獨收手非常慢,撞果陣必須掌握好時機,撞唔中多數都係死...

2武係BS迪恩3樣武器之中最焦點既武器。散彈槍爆風大,連隔住幅牆都打得中,而且威力亦非同小可,做火力支援,遊擊,拉打,擾敵都係一樣表現十分好既武器,配合收槍動作可加快連射速度,令BS迪恩更加暴力。但彈藥方面就有點...殘彈只有大約4發,3秒回1發,射果陣唔好亂浪費彈藥...而且射程短,只有機槍射程...

最後要講3武,同樣都係焦點武器之一。8發全中既傷害絕對不容忽視。可以邊郁邊射,甩彈亦頗順,爆風大。飛彈既滯空時間都算幾耐,可能因為咁,令導彈有更多時間補捉敵人,更易命中敵人。同2武一樣,彈藥同射程係最大既缺憾,大約要10秒先回完...射程雖然比2武遠,但甩彈的話射程仍然顯得雞肋...
--------------------------------------------------
技能:

技1 古魯謝的憎恨  HP50%以下時必殺威力+50%.防禦+4.5.敏捷+4.5
技2 防禦指揮  HP50%以下時,包括自己在內的所有隊友的 防禦力+6.0 武器蓄氣加快20%

除左武器之外,BS迪恩係技方面亦相當優秀。有防指作輔助,團體戰之中佔左好大既位置。而且加快血彈亦補救左BS迪恩自身彈切既問題。

而技1就額外再幫自己加防加敏,配合技1雙防技,自身低防問題有所改善(雖然都係偏脆)...必殺威力方面亦得到大提升,加插多一張必卡,臨死前請敵人食招大招,滿血c機條命咁就凍過水...就算殺唔死人,都會扣走佢大部分血,放必殺之後再補多幾槍,1部S機就咁就去左見龜霸

壞既地方唔多講了,見到HP50%以下都知咩事,瀕死時先開到技...
--------------------------------------------------
優缺點分析:

優點:
唔需要多講,瞬間火力輸出高,容易命中,新手練實彈玩BS迪恩最適合不過。配合唔同走位,BS迪恩既煩人程度就好似你夏天唔開冷氣訓覺果陣D蚊,係你耳仔邊果D聲咁煩,但你想打隻蚊伍又打唔到咁樣,真係煩到你...對付I力埸機真係一流。而且加左必殺卡之後大技威力足以秒殺唔少滿血既機

缺點:
第1,彈藥少,射程短,儘管瞬間火力幾強,都比彈切同射程所限制住;第2,血防低,一不小心條命就凍過水;第3,全實彈武裝,現時港服藍2R,密娜盛行時期,容易被對方禁住打...
--------------------------------------------------
建議用法:
1.首先,BS迪恩係走位方面,比較偏向輔助,負責中前線既輸出。主要都係跟住隊友,跟拳機一齊衝,需要時可幫忙補槍同解圍。另外用作擾敵表現亦非常良好圍住敵人一邊打橫飛,一邊射,不過控氣方面要掌握得好。

2.之後,講一講3武導彈既運用。一般都係搵掩體,之後甩彈射出去。呢到要注意,唔好貼得太近建築物,好易未打中人就撞爆晒D彈。另外,3武用黎補槍亦係一樣十分好用既武裝,趁隊友打緊人放3武,食晒之後再補幾槍2武,敵人多數都死得...另外,如果敵人係飛緊的話,我建議盡量唔好射,因為導彈好經常都會追唔到敵人就爆左...

3.其實比拳機埋身有2個應付方法。第1,同佢死過,玩1武,把握好時機撞低佢,但你真係要識得把握時機,你撞唔中就多數都係你死...第2就係跳跳虎拉射,2武爆風大,易命中,而且威力大,對付瀕死既敵人係最好不過既方法

4.BS迪恩血防方面實在有點...唔oc加防就算有雙防技,都係屬於易比人秒既一群,基本上比拳機埋到身連到技,多數都比人秒殺...所以走位方面要把握得非常靈活,前線擾敵時唔好離隊友太遠,要小心對付拳機。亦都係基於低血防既關係,不必要既對射就唔好有,玩得對射就預左損失大量既血,加上彈切問題,BS迪恩對射方面佔既優勢少,為左殺1個人,冇左一大段血,值得咩?

5.講講點對付PS甲既機,見到PS甲既機都盡量唔好打佢,除非佢未開技,唔係會好浪費彈藥...交比隊友打。等到有開晒技必殺之後,再放落佢到。感覺都幾好嫁。

6.大技...BS迪恩臨死前最後武器,死之前請敵人食招大技...最起碼都要拖番個人落水。殺唔死佢唔緊要,殺唔死佢都冇左成條血...補多幾槍就ko了......
--------------------------------------------------
各款強力蚊拍:
一隻好煩人既蚊,雖然好煩,但都要小心唔同款式既蚊拍...

A-C機埸中的強力蚊拍:

眾PS甲機,你打佢唔痛,佢打你就爽到升天


強力射擊拳,你射唔夠佢射,斬又未必唔夠佢斬

無限制埸就唔多講啦...差唔多隻隻S機都係蚊拍黎一唔小心都冇得剩嫁啦....
--------------------------------------------------
插卡:
必殺技覺醒  進一步加強大技威力
V疲苗  將麻煩既負面效果滋擾減到最低
底力爆發  加強輸出
--------------------------------------------------
建議配點:

我自己個人係咁樣點,3必係加強大技威力,加埋必卡再配合技1真係.....
--------------------------------------------------
作戰影片:
本人電腦廢,拍唔到片:(

james1235208

有翼,有面具,對敵方滋擾極大

calvin5d12

這部滿oc在無限制場打中前場很煩人的

天才A

50%血時開晒2個技
自身加10.5防
你仲想點-  -

仲要未計oc...

pk1pk1kp1

50%血時開晒2個技
自身加10.5防
你仲想點-  -

仲要未計oc...
天才A 發表於 30-12-2011 14:12

但係感覺上比人打都仲係好快死- -

天才A

但係感覺上比人打都仲係好快死- -
pk1pk1kp1 發表於 30-12-2011 14:24

唔係中格鬥應該冇事既

jayho

港服來的嗎

jscn

"強力蚊拍"笑左= =

我對這機也有興趣, 但9880太貴...

hohoihin615

回復 2# james1235208


   這不是Gundam!這是蜻蜓!!!!!!
   這不是Gundam!!!是迪恩!!!!!

858726711

:lol搞到我都想買番隻黎屈機