菲力特:呢部高達只有我先識用---高達AGE-1(普通型)

pk1pk1kp1

前言:
先黎一推怨言,我個人認為高達AGE係咁多套高達入面整得最爛既高達:(最主要原因係動畫入面主角風格太小朋友:(
從每個角度睇落去,都似小學生多D囉,都唔知邊到似中學生:(你話搵個好似殺那咁青少年樣式都話尚可接受,家下你整個小學生出黎渣高達,真係人神共憤呀:@
(以上為個人感受,不喜勿插:()

抱怨完套作品,講番SD,我係之前打10埸個活動拎部AGE番黎:)雖然真係幾討厭AGE呢套作品,不過我玩SD從來只睇機既性能,唔理佢出自邊套作品,有幾樣衰,只要性能強大,我都會玩落去:)咁姐係我個人覺得AGE呢部機真係幾好用:)

------------------------------------分隔線---------------------------------
原作資料:A.G101年——殖民衛星“天使”被不明身份的敵人“UE”襲擊。在這被稱為“天使墜落之日”的事件後，人類持續被迷樣的敵人襲擊。直到有一天，故事最初的主人公“普利特.明日野”用家傳的AGE裝置分析，完成了有自我成長系統——AGE系統的鋼彈AGE-1。不斷進化的鋼彈與AGE系統一起，從父親到兒子，兒子到孫子世代繼承，明日野家族持續三世代的漫長故事從此開始了。鋼彈AGE-1能根據敵人的戰況進行換裝，從而變化出嶄新的機型。搭載AGE系統的核心模塊更換上手足零件，就能成為新機體。

扭蛋既造型好似好過SD入面既AGE:(

------------------------------------分隔線---------------------------------
六圍:
呢個係AGE既六圍

正常B剪既水準,分配得都幾平均,只係血防方面有點....
------------------------------------分隔線---------------------------------
機體武裝:

武器1 光束軍刀  係數950
正常剪機水平既刀,頭3刀斬速頗快,第4刀出得太慢...建議斬完3刀轉3武/2武射一下再走人,攻擊範圍都好細。係數950,威力一般...

武器2 托茲步槍(普通射擊模式)  係數1000
普通光槍,手感順,係數得1000,威力一般,不過勝在彈多,回彈快,慢慢射殘你

武器3 托茲步槍(精密射擊模式)  係數1500
AGE焦點武器,射果陣自身冇硬直,比射中既人會被定身,射速慢。係數1500,威力唔算高,但都唔會低得去邊

武裝簡單,非常容易上手,易玩得黎又可以發揮到好大既潛能。

另外想講一講3武,除左自身冇硬直,就係有"爆風"

唔知點講好,又唔似熾天咁係個波咁射出去,算唔算係爆風呢?2隻渣古比D光遮住左:(2隻渣古係打橫並排企嫁

3武射果陣條光都好粗,好易命中敵人。加上自身冇硬直,實在係1樣非常強大既武器
------------------------------------分隔線---------------------------------
技能:
技1 裝填上升  武器的重新裝填速度上升
技2 附加燃料糟  持續推進時間大幅上升

2招技都係非常實用既技。
先講講技1,呢部機2武彈藥量本身已經足夠,整多招回彈技,2武幾乎用唔晒。3武呢,本身回彈快,開技後接近4-5秒可以射1發,煩人效率實在一流

技2呢,簡直係剪機既美夢,開左技之後唔洗擔心唔夠氣既問題。比拳機埋身果陣,配合3武玩拉射實在一流
------------------------------------分隔線---------------------------------
優/缺點分析:
呢部機優點好明顯啦,武裝同技能配搭一流,彈藥多,氣又長。而且好似AGE呢類輔助型機唔洗衝咁前,冇咁容易比對手針對,冇咁易死

缺點...其實缺點都幾多下,首先就係血防問題啦,其實AGE既血防真係唔多店,一時大意比人集火,或者比拳機捉到,多數都冇得剩...介2有就係AGE攻擊力其實唔太足夠,特別對拳機果陣,只係射中1槍2槍跟本就對敵人造成唔到咩威脅,要有威脅性就要靠長期輸出,當然亦需要高命中率,不過對包戈威力仍然頗強的說...

總括黎講,只要克服到以上缺點,AGE絕對可以係一部神機,而且要克服以上缺點,都唔係好高難度姐
------------------------------------分隔線---------------------------------
建議玩法:
1.AGE係一部輔助性既機黎,最好就隨時跟住隊友。見到隊友斬緊人就補槍,順便汁多隻雞。見到隊友比人斬緊,就用3武射下佢,定佢身,比機會隊友逃走或者反擊

2.開頭果陣就盡量搵建築物做掩護,以免被超視炮打中受到不必要既傷害,再慢慢跟隨隊友愎慢破破敵方陣營,途中見到敵人可以3+2武咁射下佢擾亂下敵人

3.講一講比拳機埋身有咩應付方法:
第1種方法就係同佢拉射,3+2武輪住射佢,記住你走果陣要盡量飛去隊友身邊,因為以AGE既威力未必可以係用完條氣之前射死敵人,最好飛番去隊友身邊搵援軍啦。不過拉射記得要係開左2技之後先咁玩,唔係你條氣冇可能夠拳機鬥。到左真係走唔到既時候,你都係用大技打佢啦...
第2種方法就係主動出擊,同佢死過。點樣同佢死過?就係同佢鬥斬啦:)你冇睇錯呀,係同佢鬥斬:)你可能會話:你傻嫁?同拳機鬥斬送死咩。就咁傻傻地正係拎把刀出去同佢斬就真係傻啦。唔好唔記得AGE有支自身冇硬直既定身槍呀,等對手就快埋到身既時候,請佢食招硬直,再把握好時機衝過去斬佢,斬完之後再走佬,佢倒左地之後再企番起身果陣,3武都差唔多回番好,再定佢斬佢。不過咁玩要識得掌握好定佢既時機,你離佢太遠射的話,你飛到埋佢斬佢,佢已經硬直完,隨時打番你轉頭。太近的話,就好難射中佢,都係比佢斬。另外就係要注意對方有大技啦,如果你確定對方有大技,建議你都係玩番拉射,唔好斬佢。

4.有一點係非常重要,就係AGE血防問題,真係好脆皮...建議盡量唔好同對手對射,只會造成不必要既傷害。真係要對射果陣,就用3武射完之後接2武再入番建築物做掩護就ok了,唔好長時間對射,到時虧既只係你自己

5.同埋呢就係搵獵物啦,如果冇隊友比人打緊/隊友打緊人,或者有人主動攻擊你果陣,你好得閒果陣,建議盡量搵包機打,原因唔多講啦,要係最短時間內給予敵人最大既傷害啦。真係冇包機先搵其他人落手啦

6.係啦...仲有就係對住V苗對手應該點應付...其實呢,你最好唔好咁明顯去打佢,除非佢係低攻低防果類既機,如果唔係你比佢睇中左,要走都有一定難度,點講硬直效果已經冇左....交比隊友應付啦。你可以後面將3武當玩電筒咁玩,效果都唔錯嫁,只不過係射擊距離冇咁遠姐:L...

7.最後講一講,玩AGE建議唔好去無限制埸到玩,AGE係S機面前顯得非常無力,而且一比S機睇中,幾乎冇得剩咁制...你冇番咁上下技術的話,乖乖地番番去你既A-C機埸玩啦

------------------------------------分隔線---------------------------------
建議配點:

全攻

3血全攻


加攻係用黎提高火力
3血只係稍為改善低血防既問題...迴避技術高既人可以直接點全攻
------------------------------------分隔線---------------------------------
相:
插到你變無能

呢個動作有咩意義- -?

戰績

------------------------------------完---------------------------------

jimmg12

詳盡內容....
不過加唔到你BRAVO! ORZ

andyau58

我個人認為高達AGE係咁多套高達入面整得最爛既一高達

默默地同意..

AtroCity

是六圍不是六維啦。__。

lovolovol

幾好 55 學業問題拎唔到AGE

pk1pk1kp1

是六圍不是六維啦。__。
AtroCity 發表於 17-12-2011 11:58

真的嗎?_?點解冇人話我知嫁>_<改番佢

brainwong1121

我想問係動畫佢係唔係唔識飛?
P.S佢真係好易上手

stevencasio

相對於動畫 呢部係SD都仲算有D價值

dicky2462002

部野2武手感一流,點射命中好高

dicky2462002

部野2武手感一流,點射命中好高,出槍又快..