本帖最後由 pk1pk1kp1 於 16-10-2011 21:02 編輯
前言:
話說我家蜜娜係買優惠包的說...早前因為消費滿12800m幣有2R送,而且又唔知買咩好,所以就買下蜜娜了
話說最近蜜娜上左oc6了,手感非常好的說,所以在此發表一下感想
同埋最近好多聲稱係機評既機體簡介
---------------------------分隔線---------------------------
原作資料(感謝戰記):作為在赫利奧波利斯極其秘密開發的異端系列的試作型，本機與機師隆德·蜜納·薩哈克一起被不幸的命運所捉弄，並被數次加以改良。
---------------------------分隔線--------------------------- 機體資料:
BR RANK
超帥啊!
冇咩特別...低血防
---------------------------分隔線--------------------------- 武器:
1武 漢木拉比MA1 系數:850 5刀倒地 配合收刀可打出8刀,對防包機可打出9刀
2武 矛標 系數700 有隱形效果
3武 爆鬥連擊 系數400*9=3600 有抽氣效果
先講講1武,1武可以話係蜜娜既特色之一。出刀超超超快唷!!而且都非常順手,不過可憎既係刀真係超超超短。唔講都唔知,1武系數其實只有850,不過因為可以打出8刀既關係,威力仍然非常厲害。
2武了,蜜娜特色之2,有隱形效果。如果蜜娜冇左2武,都唔會有今時今日既地位。
最後講3武,好強既抽氣連擊,攻擊力都高。係BC埸,除左防拳機之外,食左呢招既機起碼冇左1/4血 打到會心一擊的話....捉人,反擊等都係一樣十分有用既武器。
---------------------------分隔線--------------------------- 技能:
技1 PS裝甲 對實彈系武器防禦力上升
技2 突擊指揮 機體血量50%以下發動,我軍所有機體攻擊力上升+噴氣時間增加(攻+3 boost+50%)
技一係1招防身技能,蜜鄉本身既血防低,PS甲無可否認係一招唔錯既技能,不過對住光束武器仍然悲劇....... 技2亦都係1招實用既技能,不但可以令蜜娜更加暴力,仲可以幫埋隊友...唔錯唔錯,可怕既係要50%先開技,都差唔多死咁制 ---------------------------分隔線--------------------------- 個人心得: 1.其實蜜娜走位都算係幾唔穩定,經常會係戰埸之間周維穿插,以方便搜尋獵落手,亦因為咁樣,對玩家技術要求都非常高。 2.另外就係用隱形既時機,呢點真係要掌握得好好先得,建議你最好趁對手唔留意你果陣先隱形,咁樣就可以提高偷襲既效益,令對手防不勝防,係對方冇防備既情況下殺對手一個措手不及。如果你好光明正大,大搖大擺咁隱形,得知你已經隱左形,就會比對手有機會做防備,加以反擊或者逃走。 3.其實玩蜜娜某程度上係唔需要配合隊友,而係需要隊友配合你,掩護住你出去打人...所以如果你冇似樣D既隊友,咁就恭喜你了;P ! 4.適當地選擇捕殺目標既都係玩好蜜娜其中一項重要因素。多數都係果幾樣,屬性,對方位置等。目標以離開了大隊既對手優先,以剪機對手優先(防拳機例外) 5.蜜娜有1個好大既剋星,就係大技。比蜜娜打到就死咁制都唔放大技反擊既人,相信佢真係有D問題。點樣盡量避免中大技呢,呢個都幾考玩家既細心,打既時候要留意對手有冇爆D白色光出黎。見到有白色光爆左出黎,就馬上向後退,咁就可以盡量減少中大技既機會。不過正係咁樣係唔足夠嫁,你仲要不時禁下左面果個Tab制,睇下對方開左技未,如果開晒技,好大機會都係有大技,咁你就盡量避免對佢進攻...咁如果對手全部都有大技呢?咁就盡量行埋一邊睇友啦...等岩時機再進攻吧:handshake 6.仲有1點,就係蜜娜大技既運用...蜜娜既大技建議唔好正係用黎防身,多D用作主攻。好似第5點講既咁,對手比蜜娜偷襲,最簡單既應付方法係大技。主動放大技殺死對手,咁亦都係1個避免比對手放大技既方法。 7.順帶一提...就係連技啦,其實連技多數都係以3武捉人,再轉1武斬(33>111>111),得既話亦都可以用1武捉(111>111>33),3武未CD完果陣就咁用1武打(11>11>11>11/1111>1111)大約應該係咁多... ---------------------------分隔線--------------------------- 優/缺點分析: 先講講優點。蜜娜格鬥威力十分足夠,往往被蜜娜捉到並食1set連技既機必定會重傷(防拳機例外),另外蜜娜跟其他全格機唔同既地方就係蜜娜擁有隱身既能力。其他全格機主動進攻往往容易被對方發現,對方從而作出應變,好似你衝過去果陣進行拉射,或者用更精巧既近身技術打番佢轉頭,令到你進攻失敗,什至令你失去寶貴既性命。但有左隱形卻可以盡量避免呢個問題,隱身相對於全格既好處在於能夠係對手未有防範既情況下擊殺對手。當然大前提係你隱形時機必掌握得非常好。 講缺點了。蜜娜威力驚人既格鬥武裝同隱身能力的確能令唔少人提心吊膽,但同時又包含非常多既缺點。其中一樣就係全格機既通病,就係冇射擊武裝,往往只能夠用近攻作輸出,風險相對比有射擊武裝既機高,幸好蜜娜仲有隱身能力稍稍彌補呢個問題,不過隱形時間非常有限,所以最少有一半時間都要係冇隱形既情況下攻擊,呢一點對玩家黎講係1個好大既障礙。仲有,亦都係因為全格鬥武裝既關係,對住有熟練遊擊手既機打上黎會比較吃力,對住反格機亦會顯得不知所措,呢方面就要靠玩家自己汁生同隊友既威能了...... ---------------------------分隔線---------------------------
建議插卡:
高達格鬥術 對於以格鬥作主要輸出既蜜娜黎講,無可否認係非常實用
V疫苗 幾乎所有機都通用,用係蜜娜身上就係提防抽氣抽彈等對蜜娜致命既效果 ---------------------------分隔線--------------------------- 配點: 其實加點呢家野都係睇個人喜好,唔同人用唔同點法都有唔同既效果,以下只係我本人建議,冇必要跟足
3速全攻 加3速之後飛快左,可以更快追到對手,增加偷襲既效率
全攻 最暴力既點法 ---------------------------分隔線--------------------------- 作戰影片: 電腦lag+本人技術差,放人地D片算 片主請見諒:lol ---------------------------分隔線--------------------------- 加少量插圖: (感謝某人提供拍攝技巧) (感謝Shoutmon陪我影相:lol)
| 
[複製鏈接]
發表於 16-10-2011 15:45:03
收藏
轉播
分享
淘帖
支持
反對
變色卡
樓主